مرے مونس، مرے مشکل کشا ہیں شاہِ سرکانہی

مرے مونس، مرے مشکل کشا ہیں شاہِ سرکانہی

کلام اس میں نہیں، حاجت روا ہیں ہیں شاہِ سرکانہی

حقیقت میں حقیقت آشنا ہیں شاہِ سرکانہی

بلا شک راز دارِ کبریا ہیں شاہِ سرکانہی

یقیناً بندۂ خاصِ خدا ہیں، شاہِ سرکانہی

عجب کچھ آستانہ ہے، عجب کچھ ان کی محفل ہے

فدا اس پر ہماری جان ہے، یمان ہے، دل ہے

قریب ان کے جو ہے قربِ الہی اس کو حامل ہے

پہنچ جانا سرِ منزل ہمارا کون مشکل ہے

ہمارے رہنما ہیں، پیشوا ہیں، شاہِ سرکانہی

مرید و صدق دل سے حاضرِ دربار ہوجاؤ

پئے عقدہ کشائی دامنِ امید پھیلاؤ

جو دل کا حال ہے اس کو بیاں کردو، نہ گھبراؤ

نہ مایوسِ کرم ہوگے بہ امیدِ کرم آؤ

ہر اک رنج و مصیبت کی دوا ہیں، شاہِ سرکانہی

جو آتے ہیں یہاں اپنی مرادیں دل کی پاتے ہیں

خدا کے فضل سے محروم کب اس در سے جاتے ہیں

مصیبت میں وہ اپنے عاشقوں کے کام آتے ہیں

کہ وہ چشمِ کرم سے بگڑی قسمت کو بناتے ہیں

غریبوں، بے کسوں کے آسرا ہیں، شاہِ سرکانہی

جدھر دیکھے، نظر آجائے اس کو آپ کا جلوہ

عطا کر دیجئے اس کو خدا را دیدۂ بینا

حمیدؔ زار سے کیا وصف ہوگا آپ کا شاہا

سمجھ میں ہر کسی کو آئے کیوں کر آپ کا رتبہ

خدا ہی جانتا ہے آپ کیا ہیں، شاہِ سرکانہی