آج تک تیری حقیقت نہ کھلی کیا ہے تو

آج تک تیری حقیقت نہ کھلی کیا ہے تو

کوئی بھی جس کو نہ سمجھے وہ معما ہے تو

دل کا مطلوب ہے آنکھوں کی تمنا ہے تو

رشک شیریں جو ہے تو شربتِ لیلیٰ ہے تو

جلوۂ رخ سے ترے سارا جہاں روشن ہے

رونقِ بزم ہے تو انجمن آرا ہے تو

بن کے لیلیٰ کہیں مشہور حسینوں میں ہوا

صورتِ قیس کہیں عاشق شیدا ہے تو

جان آئے تنِ بے جاں میں ترے ملنے سے

اپنے بیمار محبت کا مسیحا ہے تو

صورتِ قیس ترے حسن کا شیدا ہوں میں

اور میرے لیے بھی غیرت لیلیٰ ہے تو

کیا تماشا ہے کہ عالم کی نظر پڑتی ہے

دیکھنے والوں کی آنکھوں کا تماشا ہے تو

کون مہمان ہے حامدؔ کے مکانِ دل میں

تو ہی کہہ دے کہ تصور ہے ترا یا ہے تو