حریم_ذات_مطلق گھر ہے تاج_الدین بابا کا
دلچسپ معلومات
منقبت درشان حضرت بابا تاج الدین ناگوری (ناگور۔راجستھان)
حریم ذات مطلق گھر ہے تاج الدین بابا کا
کہ ہر جلوہ حجاب در ہے تاج الدین بابا کا
بظاہر بت ہیں لیکن بت شکن ہیں وہ حقیقت میں
کہ ابراہیم خود آزر ہے تاج الدین بابا کا
حرم دیکھا حریم پنجتن دیکھی جدھر دیکھا
یہی دیکھا کہ یہ بھی گھر ہے تاج الدین بابا کا
دلوں کے ملک میں ان کی شہنشاہی مسلم ہے
منقش نام ہر دل پر ہے تاج الدین بابا کا
نظر میں رحمت اللعالمیں کا کھنچ گیا نقشہ
عجب لطف جہاں پرور ہے تاج الدین بابا کا
جبیں سائی کی نسبت دیکھیے کیا رنگ لائی ہے
مرا سر آج سنگ در ہے تاج الدین بابا کا
جنون و ہوش دونوں متفق ہیں اس مقولے میں
کہ شاہوں سے گدا بہتر ہے تاج الدین بابا کا
ذہینؔ اس راز کو سرکار یوسف شاہ نے کھولا
وہی تاجیؔ ہے جو مظہر ہے تاج الدین بابا کا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
