حیران تیرے حسن کا ہر پیر و جواں ہے

حیران تیرے حسن کا ہر پیر و جواں ہے

خالق بھی بنا کر تجھے تجھ کو نگراں ہے

عاشق ہیں تیرے جن و بشر حور و ملائک

یہ حسن خدا ہے کہ تیرے رخ سے عیاں ہے

اللہ کا محبوب ہے تو اے شہ خوباں

انصاف کہ یوسف کا جمال ایسا کہاں ہے

مردانِ خدا نے کیے دل چاک تجھے دیکھ

اور انگلیاں جو کاٹیں تھیں وہ فعلِ زناں ہے

ہے شورِ ملاحت کا تیرے ارض و سماں میں

اور صیت صباحت بھی کراں تا بکراں ہے

ہے اہلِ کبائر کے لیے تیری شفاعت

اس بات کا تو صاف حدیثوں میں بیاں ہے