سر گشتہ مثل مجنوں پایا تری گلی میں

سر گشتہ مثل مجنوں پایا تری گلی میں

گر ہوش مند کوئی پہنچا تری گلی میں

رندوں کا لگ رہا ہے میلہ تری گلی میں

میخانے کھل رہے ہیں ہر جا تری گلی میں

آرام ہو تو کیوں کر راحت ملے تو کیسے؟

ہوتا ہے تازہ فتنہ برپا تری گلی میں!

شاید جنون تازہ اٹھا بے پھر کسی کو

کیوں رات بھر تھا شور و غوغا تری گلی میں

دیکھا تو کچھ نہ پایا سوچا تو بس یہ سمجھا

اک نام رہ گیا ہے میرا تری گلی میں

پیوند خاک ہوگا نقش قدم بنے گا

حسرتؔ یہ جان کر آیا ہے تری گلی میں