خدا خود ہے جب قدردان_محمد
خدا خود ہے جب قدردان محمد
بیاں کیا کرے کوئی شان محمدؐ
درودوں کے تحفے لبوں پہ سجا کر
مدینے چلے عاشقان محمدؐ
ابو بکر و فاروق و عثمان و حیدر
ہیں ان میں سبھی مخلصان محمد
جہاں نور حق کے سوا کچھ نہیں ہے
وہاں بھی ملیں گے نشان محمد
فرشتے بھی سنتے ہیں عرش بریں پر
بڑے شوق سے داستان محمد
اذیت جو دیتے تھے کل تک نبی کو
وہی آج ہیں پاسبان محمد
زمیں کیا فلک پہ بھی ملتا ہے عبرتؔ
غبار رہ کاروان محمد
مأخذ :
- کتاب : Wajh-e-Lauh-o-Qalam (Pg. 35)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
