اے شافع محشر زندہ باد اے محسنِ اعظم زندہ باد

اے شافع محشر زندہ باد اے محسنِ اعظم زندہ باد

کونین کے لب پر اب تک ہے سرکارِ دو عالم زندہ باد

ہیں ہجر محمد میں مضطر کچھ خون کے آنسو کچھ سادے

دامن میں بھرے ہیں لعل و گہر اے دیدۂ پرنم زندہ باد

پانی سے کہیں بڑھ چڑھ کر تھی انسان کے خوں کی ارزانی

دنیا ہی بدل دی دنیا کی اے قبلۂ عالم زندہ باد

ہر سمت اجالا پھیلا ہے تیرے ہی قدم کے صدقے سے

اے ماہِ درخشاں زندہ باد اے نیرِاعظم زندہ باد

ہو چاند اشارے سے ٹکڑے چشمہ یدِ رحمت سے ابلے

کفار کہیں یہ حیرت سے اے حیرتِ عالم زندہ باد

دنیا کی بہاریں کیا کہنا فردوس نچھاور ہے تجھ پر

اے خلوتِ عبرتؔ زندہ باد اے لطفِ شبِ غم زندہ باد