گوشہ_گوشہ حیات کا روشن
گوشہ گوشہ حیات کا روشن
ان سے چہرہ ہے ذات کا روشن
سبز گنبد کی روشنی سے ہے
ہر طبق کائنات کا روشن
ان سے دن کی فضا معطر ہے
ان سے دامن ہے رات کا روشن
سیرت مصطفیٰ سے ہوتا ہے
زاویہ تجربات کا روشن
ان کی دہلیز پر پہنچ کے ہوا
سلسلہ خواہشات کا روشن
ان کے دم سے ہے خیمۂ حق کا
سایہ سایہ قنات کا روشن
نور ماہ تمام کے صدقے
آئنہ کائنات کا روشن
ہادیٔ دو جہاں کی الفت سے
راستہ ہے نجات کا روشن
خوشبوئے زلف مصطفیٰ سے ہے
صحن گلشن ثبات کا روشن
نور محبوب کبریا کے طفیل
قلب ہے التفاؔت کا روشن
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
