علی شاہِ حیدر اماماً کبیرا

حضرت علی شاہ ہیں، علی حیدر ہیں علی ہمارے بڑے امام ہیں، حضرت محمد مصطفیٰ کے بعد آپ بشارت دینے والے اور ڈرانے والے ہیں۔

زمین آسامان عرش و کرسی کو عقل و دانش سے سمجھ، حضرت علی ہر شے پر قدرت رکھنے والے ہیں۔

آپ ہی سے چاند، سورج اور ستارے روشن ہیں، دونوں عالم میں آپ ہی روشن چراغ ہیں۔

دنیائے فانی کی لذیذ غذاؤں میں سے، حضرت علی نے اپنے لیے صرف جَو کی روٹی انتخاب فرمائی۔

اے شاہِ ولایت آپ نے بفحوائے آیت یطعمون، مسکین، یتیم اور اسیر کو کھانا کھلایا ہے۔

األیا کے لیے حضرت علی حجت ہیں اور انبیا کے لیے ولی اور دستگیر ہیں۔

حضرت علی حضرت رسولِ خدا کے چچا زاد بھائی ہیں جس طرح ہارون حضرت موسیٰ کے بھائی اور وزیر تھے۔

قیامت کے روز مولا علی کے مداح کو، گرمی اور تشنگی کا کیا خوف ہے۔

جس شخص کے دِل میں محبت علی ہے وہ نفس کے شرارتوں سے مامون و مصئون ہے۔

حوض کوثر سے اللہ تعالیٰ اس کو شراب طہور پلائے گا اور اس کو آفتاب محشر کی گرمی یا کرۂ زمہریر کی سردی نقصان نہیں پہنچا سکتی۔

اولادِ حیدر کے بد خواہوں کے بارے میں اللہ نے ارشاد فرمایا ہے کہ ان کے لیے سخت آزمائش ہے اور وہ دوزخ میں داخل ہوں گے۔

آپ سے جامیؔ کا حال پوشیدہ نہیں ہے، در حقیقت آپ سننے اور دیکھنے والے ہیں۔

جس شخص کو آپ سے دلی عقیدت مندی ہے اسے پرسشِ محشر اور منکر و نکیر سے کیا خوف ہے۔