میسر ہو دلا ہر_دم جسے دیدار وارث کی

میسر ہو دلا ہر دم جسے دیدار وارث کی

قدم چومے بلائیں لیں سر دربار وارث کی

نہ نکلے پھر کبھی قوس قزح عزت سے محشر تک

نظر آئیں اسے گر ابروئے خم دار وارث کی

پتہ پوچھے سے اکثر لوگ یہ الفاظ کہتے ہیں

تڑپتے ہیں جہاں بسمل وہ ہے دیوار وارث کی

یہ تسلیم و رضا کا حال ہے گا اس کے کوچہ میں

جھکا دی سب نے گردن جب اٹھی تلوار وارث کی

کسی نے گر کہا جنگلیؔ سے کیوں خاموش بیٹھے ہیں

کہا میں سن رہا ہوں دل سے بس گفتار وارث کی