عجب شان ہے شان_خدا مدینے میں

عجب شان ہے شان خدا مدینے میں

نبی کا نور ہے جلوہ نما مدینے میں

تڑپ رہی ہے طبیعت مری زمانے سے

اڑا کے مجھ کو تو لے چل صبا مدینے میں

شفا نہ ہوتی ہو جس کو کہو چلا جائے

کھلا ہے دفتر دار الشفا مدینے میں

نثار موت بھی سو جی سے ایسی مورت پر ہو

کہ جس کو لائی پکڑ کر قضا مدینے میں

پہنچ کے روضۂ اقدس کی جالیاں چوموں

یہ آرزو ہے مری یا خدا مدینے میں

وہ دن بھی آئے الٰہی ہند کے بدلے

جناب جوہرؔ کا گھر ہو بنا مدینے میں