اے کہ ترے جلال سے ہل گئی بزم کافری

اے کہ ترے جلال سے ہل گئی بزم کافری

رعشۂ خوف بن گیا رقص بتان آذری

اے کہ ترا غبارِ راہ تابش روئے ماہتاب

اے کہ ترا نشان پا نازش مہر خاوری

اے کہ تیرے بیان میں نغمۂ صلح و آشتی

اے کہ ترے سکوت میں خندہ بندہ پردری

اے کہ ترے دماغ پر جنبش پر تو صفا

اے کہ تیرے خمیر میں کاوش نور گستری

چھین لیں تو نے مجلس شرک و خودی سے گرمیاں

ڈال دی تو نے پیکر لات و سہل میں تھر تھری

تیرے قدم پہ جبہ سا، روم و عجم کی نخوتیں

تیری حضور سجدہ ریز چین و عرب کی خود سری

تیرے سخن سے دب گئے لاف و گزاف کفر کے

تیرے نفس سے بجھ گئی آتش سحر ساری

لحن سے منتظم ترے پست و بلند کائنات

ساز سے تیرے منضبط، گردش چرخ چنبری

تیری پیمبری کی یہ سب سے بڑی دلیل ہے

بخشا گدائے راہ کو تو نے شکوہ قیصری

بھٹکے ہوؤں پہ نظر کری رشک خصر بنا دیا

راہ زنوں کو دی ندا بن گئے شمع رہبری

سلجھا ہوا تھا کس قدر تیرا دماغ حق رسی

پگھلو ہوا تھا کس قدر تیرا دل پیمبری

حبشہ ترے بیاں کا غار حرا کی خامشی

نغمہ تری سکوت کا نعرہ فتح خیبری

تجھ پہ نثار جان و دل مڑ کے ذرا یہ دیکھ لے

دیکھ رہی ہے کس طرح، ہم کو نگاہ کافری

تیری فقیر اور دیں، کوچۂ کفر میں صدا

تیری غلام اور کریں اہل جفا کی چاکری

طرف کلہ میں جن کے تھے لعل و گہر ٹکے ہوئے

حیف اب ان سروں میں ہے درد شکستہ خاطری

جتنی بلندیاں تھیں سب ہم سے فلک نے چھین لیں

اب نہ وہ تیغ غزنوی اب نہ وہ تاج اکبری

اٹھ کے تیرے دیار میں پرچم کفر کھل گیا

دیر نہ کر کہ پڑ گئی صحن حرم میں ابتری

خیزو دل شکستہ را، دولت سوز و ساز دہ

مسلم خستہ حال را، رخصت ترک و تاز دہ