مقابل عشق کے پھر بھی ہوا دل

مقابل عشق کے پھر بھی ہوا دل

جزاک اللہ خیرا مرحبا دل

ہوا اس مشتِ خاک دل سے وہ کام

کہ نور و نار کا پانی ہوا دل

مرے ہر ذرہ ہوں خورشید پرور

جو ہووے جلوہ گاہِ مصطفیٰ دل

حیات تازہ پائی دل نے میرے

ہوا ہے جب سے تیرا خاک پا دل

یہاں وہ کام دل نے کر دکھایا

کہ ہے ورد فلک بھی ”حبذا دل“

تمنا جاں کو ہو پھر قالب خاک

جو ہو خاک رہ شیرِ خدا دل

مبارک اے جنوںؔ آخر ہوا دل

سگ کوئے علی مرتضیٰ دل