بشر سے بیاں وصف کیا ہو تمہارا

بشر سے بیاں وصف کیا ہو تمہارا

کہ مداح خود جب خدا ہو تمہارا

وہی سر ہے جس میں تمہارا ہو سودا

وہی دل ہے جو مبتلا ہو تمہارا

رسولوں میں اللہ رے رفعت تمہارا

کہ عرش خدا فرش پہ ہو تمہارا

تمہاری ہی امت میں پیدا ہوئے ہیں

نہ کیوں کر ہمیں اسرار ہو تمہارا

کوئی لطف دیدار حق اس سے پوچھے

کہ دیدار جس کو ہوا ہو تمہارا

نہ ہو خاتمہ کیوں نہ بالخیر اس کا

نبی جس نے کلمہ پڑھا ہو تمہارا

بلا شبہ پار اس کا ہو جائے بیڑا

کرم کیفؔ پر گر ذرا ہو تمہارا