کچھ اتنی تلخ ہے روداد_غم غریب_نواز

کچھ اتنی تلخ ہے روداد غم غریب نواز

بیان کر نہیں سکتے ہیں ہم غریب نواز

یہی تو وقت ہے چشم کرم غریب نواز

نہ توڑ دے کہیں بیمار دم غریب نواز

کسی نے لوٹ لیا کاروان فکر و شعور

نہیں تمیز وجود و عدم غریب نواز

غم حیات غم دوست اور غم دوراں

ذرا سی جان پہ اتنے ستم غریب نواز

شکستہ کشتی ہے برگشتہ ناخدا بھی ہے

امڑ کے آیا ہے طوفان غم غریب نواز

ترے کرم نے نوازا ہے حسب حال مجھے

نہیں ہے تنگئ داماں کا غم غریب نواز

عطا ہو ساغر کیف حیات کیفیؔ کو

نہیں ہے آرزوئے جام جم غریب نواز