hai jumla jahaa.n partav-e-anvaar-e-mohammad

hai jumla jahaa.n partav-e-anvaar-e-mohammad

har samt se hai daa'vat-e-diidaar-e-mohammad

kitno.n hii ne paayaa unhe.n aur phir bhii na paayaa

asraar hii asraar hai.n asraar-e-mohammad

kho.ii hu.ii duniyaa-e-mohammad hii se puuchho

kyaa thaa asar lazzat-e-guftaar-e-mohammad

sarshaar mai-e-'ishq huu.n sarshaar mai-e-'ishq

mai-KHvaar-e-mohammad huu.n mai.n mai-KHvaar-e-mohammad

siddiiq-o-’umar ho.n ki vo 'usmaan-o-'alii ho.n

chhante hai.n har ik parda-e-anvaar-e-mohammad

tashbiih kaa aa.iina hai tanziih kaa jalva

allaah kaa diidaar hai diidaar mohammad

hotaa hai zabaa.n par mirii jo kuchh bhii 'ataa ho

afkaar-e-suKHan hai.n mire afkaar-e-mohammad

qurbaan tire fazl tirii shaan-e-karam ke

allaah dikhaa de mujhe darbaar mohammad

nisbat bhii 'ajab chiiz hai mahbuub-e-KHudaa se

matluub-e-do-'aalam hai talab-gaar-e-mohammad

marnaa hii mohabbat me.n hayaat-e-abadii hai

achchhaa hai ki achchhaa na ho biimaar-e-mohammad

hote hai.n adaa 'ishq ke sajde yahii.n 'kaamil'

hai.n taaq-e-haram abruu-e-kHam-daar-e-mohammad

hai jumla jahaa.n partav-e-anvaar-e-mohammad

har samt se hai daa'vat-e-diidaar-e-mohammad

kitno.n hii ne paayaa unhe.n aur phir bhii na paayaa

asraar hii asraar hai.n asraar-e-mohammad

kho.ii hu.ii duniyaa-e-mohammad hii se puuchho

kyaa thaa asar lazzat-e-guftaar-e-mohammad

sarshaar mai-e-'ishq huu.n sarshaar mai-e-'ishq

mai-KHvaar-e-mohammad huu.n mai.n mai-KHvaar-e-mohammad

siddiiq-o-’umar ho.n ki vo 'usmaan-o-'alii ho.n

chhante hai.n har ik parda-e-anvaar-e-mohammad

tashbiih kaa aa.iina hai tanziih kaa jalva

allaah kaa diidaar hai diidaar mohammad

hotaa hai zabaa.n par mirii jo kuchh bhii 'ataa ho

afkaar-e-suKHan hai.n mire afkaar-e-mohammad

qurbaan tire fazl tirii shaan-e-karam ke

allaah dikhaa de mujhe darbaar mohammad

nisbat bhii 'ajab chiiz hai mahbuub-e-KHudaa se

matluub-e-do-'aalam hai talab-gaar-e-mohammad

marnaa hii mohabbat me.n hayaat-e-abadii hai

achchhaa hai ki achchhaa na ho biimaar-e-mohammad

hote hai.n adaa 'ishq ke sajde yahii.n 'kaamil'

hai.n taaq-e-haram abruu-e-kHam-daar-e-mohammad