محبوبِ کبریا کا داماں ابوالعلا ہیں

محبوبِ کبریا کا داماں ابوالعلا ہیں

محشر کے دن اماں کا ساماں ابوالعلا ہیں

روشن ہے اس کا سینہ انوارِ ایزدی سے

قسمت سے جس کے دل میں مہماں ابوالعلا ہیں

محروم کیسے جائے اس در سے کوئی سائل

جب کشور عطا کے سلطاں ابوالعلا ہیں

کیسے نہ سر جھکائیں اس در پہ اہلِ عرفاں

اقلیم معرفت کے سلطاں ابوالعلا ہیں

سب حق پرست ان پر قربان ہو رہے ہیں

قبلہ ابو العلا ہیں ایماں ابوالعلا ہیں

کیسے اماں نہ پائے سایہ میں ان کے عالم

ہر درد و دکھ کے خادم درماں ابوالعلا ہیں

اس دل کو کیوں نہ چاہیں سب رازدار خادمؔ

جس دل میں راز بن کر مہماں ابوالعلا ہیں