ایک نظر مجھ پہ بھی وہ تاج_شفاعت والے

ایک نظر مجھ پہ بھی وہ تاج شفاعت والے

تیرے صدقے میں اللہ کی صورت والے

صاحب کن فیکون باعث تقدیر قضا

تیرے قربان خدائی کی حکومت والے

تو ہے محبوب خدا تیرے ہی ہاتھوں میں سب

میری بگڑی بھی بنا دے میرے قدرت والے

تیری ایک ادنیٰ توجہ ہو تو ظلمت مٹ جائے

چشم رحمت ہو ادھر بھی ذرا رحمت والے

حشر میں جب کہ کہیں گے سبھی نفسی نفسی

خوب اڑائیں گے مزے جو ہیں حضرت والے

تیری امداد کا محتاج بہت ہے خالدؔ

رحم کر رحم غریبوں کی حمایت والے