سراپا شوق بن جائے سلامی ہو تو ایسی ہو

سراپا شوق بن جائے سلامی ہو تو ایسی ہو

اٹھائے بھی نہ اٹھے سر غلامی ہو تو ایسی ہو

بنے محبوب، محبوبِ الٰہی کے شرف دیکھو

محبت ایک در سے اور دوامی ہو تو ایسی ہو

فقیری پر امیری کو کیا قربان خسرو نے

گدائی کی عطا ہے شادکامی ہو تو ایسی ہو

فرشتے رشک کرتے ہیں بشر کی کیا حقیقت ہے

کسی کی دوجہاں میں نیک نامی ہو تو ایسی ہو

معطر ہوں فضائیں ہر طرف اک کیف چھا جائے

میسر آدمی کو خوش کلامی ہو تو ایسی ہو

نوازا پیر و مرشد نے خضرؔ کچھ ایسا خسرو کو

کسی پر ملتفت چشمِ نظامی ہو تو ایسی ہو