ترنم نوائی موجوں کا مرے دل کے اندر ہے

ترنم نوائی موجوں کا مرے دل کے اندر ہے

بھرا تار نفس میں نغمۂ اللہ اکبر ہے

تبسم نور کا گویا لب معجز نما پر ہے

جھلک برق تجلیٰ ہے ضیا خورشید انور ہے

نظر آتی ہے جس تصویر میں تنویر یزدانی

اسی تصویر کا نقشہ ہمارے دل کے اندر ہے

مدینہ کثرت انوار سے معمور ہے اتنا

کہ ہر ذرہ مدینے کا بنا خورشید خاور ہے

منور اس قدر عالم میں معراج پیمبر ہے!

کہ نقش پا محمد کا ستاروں کی جبیں پر ہے