یا رب میری یہ شام و سحر التماس ہے

یا رب میری یہ شام و سحر التماس ہے

طیبہ مجھے دکھا! کہ بہت جی اداس ہے

دنیا میں بھی انہی کے کرم سے ہوں سربلند

روزِ جزا بھی ان کی شفاعت کی آس ہے

اللہ نے حبیب کو وہ مرتبہ دیا

ہر اختیارِ کون و مکاں اُن کے پاس ہے

دل ان کے ذکرِ خیر سے بھرتا نہیں کبھی

میرے نبی کے نام میں ایسی مٹھاس ہے

سرکار کے مقام سے ہیں آشنا وہی

پہلو میں جن کے قلب حقیقت شناس ہے

عابدؔ میرا عقیدہ و مسلک ہے بس یہی

عشقِ رسولِ ہاشمی دیں کی اساس ہے