کہاں ہند میں وہ بہار_مدینہ

کہاں ہند میں وہ بہار مدینہ

بس اب میں ہوں اور یادگار مدینہ

مرا دل ہے اک اختصار مدینہ

کہ اس میں بسا ہے دیار مدینہ

ہے عرش آشیاں خاکسار مدینہ

ہے کرسی نشیں جو ہے خار مدینہ

کریں کچھ یوں ہی شوق دل اپنا پورا

کریں آؤ ذکر دیار مدینہ

وہ ہر سو کھجوروں کی دل کش قطاریں

وہ کہسار وہ سبزہ زار مدینہ

وہ مسجد وہ روضہ وہ جنت کا ٹکڑا

خوشا منظر پر بہار مدینہ

نگینہ زمرد کا ہے سبز گنبد

اور انگشتری کوہسار مدینہ