دین_و_دنیا کا ہر اک ساز ملایا تو نے

دین و دنیا کا ہر اک ساز ملایا تو نے

آئینہ حسن حقیقت کا دکھایا تو نے

مسلک خواجۂ اعظم کو دیا تو نے عروج

بادۂ چشت سے سرشار بنایا تو نے

بول بالا کیا سلطان مشائخ کا سدا

نظم اردو سے ہر اک دل کو لبھایا تو نے

عشق محبوب الٰہی میں مٹا کر ہستی

مرتبہ عشق و محبت کا بڑھایا تو نے

ساز سنگیت میں ایجاد و عمل سے اپنے

نغمۂ امن و اماں سب کو سنایا تو نے

رنگ ہولی میں بسنتی میں بنا کر ہم رنگ

تفرقہ ہندو مسلماں کا مٹایا تو نے

مبدأ امن و اماں میں ترے قدموں پہ نثار

بخت خوابیدہ کو ناظرؔ کے جگایا تو نے