ہزاروں میں بہتر تھے جو حق پر با وفا پہنچے

ہزاروں میں بہتر تھے جو حق پر با وفا پہنچے

مدینے سے نکل کر ابن مولیٰ کربلا پہنچے

جو ان کے بالمقابل تھا وہ طاغوتوں کا لشکر تھا

حسین ابن علی کے ساتھ اہل مرتبہ پہنچے

یزیدی قافلہ تحت الثریٰ میں گر گیا جاکر

حسین ابن علی سردارِ جنت اپنی جا پہنچے

نہ پوچھو ہم سے ہم کل تک کہاں تھے، اب کہاں پہنچے

پیامِ کربلا لے کر حسینی جابجا پہنچے

ہمیں کربل کے غم نے اس طرح دیوانہ کر ڈالا

کہ ہم مقتل کی جانب خود بتسلیم و رضا پہنچے

محرم کے مہینے کا یہ غم اتنا مقدس ہے

جو پہنچے ان کی مجلس میں وہ آنسو چومتا پہنچے

مری شایانؔ بس اتنی گزارش ہے ہواؤں سے

مری آہیں، مرا نوحہ برابر کربلا پہنچے