میزباں اللہ خود ذیشان ہے معراج میں

میزباں اللہ خود ذیشان ہے معراج میں

ایک نورانی بشر مہمان ہے معراج میں

خلد کو کر دی گئ اس واسطے آراستہ

ختمِ مرسل بولتا قران ہے معراج میں

حور و غلمان و ملک سب کی زباں پر ہے یہ گیت

نورِ اقدس مصطفیٰ کی شان ہے معراج میں

جو محمد کا نہیں وہ میرا ہوسکتا نہیں

جانبِ اللہ یہ اعلان ہے معراج میں

بخش دوں گا تیری امت اے میرے پیارے نبی

عرش پر اللہ کا فرمان ہے معراج میں

خود شفاعت مصطفیٰ فرمایں گے روزِ جزا

ہم گنہگاروں پہ یہ احسان ہے معراج میں

ذات پر شایانؔ جس کی خود خدا بیھجے درود

جلوہ گر وہ ہاشمی پہچان ہے معراج میں