عرش بریں ایوانِ محمد صلی اللہ علیہ وسلم
عرش بریں ایوانِ محمد صلی اللہ علیہ وسلم
خلد سرا بستانِ محمد صلی اللہ علیہ وسلم
آپ کفیل کار امت آپ شفیع روز قیامت
ہیں بے حد احسان محمد صلی اللہ علیہ وسلم
ہیں وہ شفیع روز محشر ہیں وہ قسیم حوض کوثر
سب کچھ ہے شایان محمد صلی اللہ علیہ وسلم
باعث حسن جن و بشر ہے موجب نور شمس و قمر ہے
مہر رخ تابان محمد صلی اللہ علیہ وسلم
آدم اور سلیماں موسیٰ اور فلک چوتھے پر عیسیٰ
ہیں مہمانِ خوان محمد صلی اللہ علیہ وسلم
مظہر رحمت مصدر رافت مخزن شفقت عین عنایت
ذات محمد جان محمد صلی اللہ علیہ وسلم
جان مری کیا جان جہاں کی اور بہاریں باغ جناں کی
کیجیے سب قربان محمد صلی اللہ علیہ وسلم
بہر شفائے درد و مصیبت اور برائے رنج و فلاکت
کافیؔ ہے درمان محمد صلی اللہ علیہ وسلم
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
