روضۂ مصطفیٰ ہے مرے سامنے

فضلِ ربِ علیٰ ہے مرے سامنے

ہے زباں میری گنگ اور خیره نگاه

معجزاتی فضا ہے مرے سامنے

اب نکل کر مرے کلبۂ خاک سے

روح نغمہ سرا ہے میرے سامنے

اشک ہائے ندامت کا یہ روپ ہے

رحمتوں کی گھٹا ہے میرے سامنے

ہیں مدینے کے دیوار و در گلفشاں

اک گلستان کھلا ہے میرے سامنے

اللہ اللہ مواجہ کے نزدیک ہوں

میرا بختِ رسا ہے میرے سامنے

وہ خزینہ کہ سرمایۂ عشق ہے

جالیوں سے ورا ہے میرے سامنے

کاش میرا دم نکل جائے مولیٰ یہیں

اب درِ مصطفیٰ ہے مرے سامنے