وہ جگہ کہیں نہیں ہے کہ جہاں پہ تو نہیں ہے
وہ جگہ کہیں نہیں ہے کہ جہاں پہ تو نہیں ہے
تری وسعتوں سے آتے کوئی کاخ و کو نہیں ہے
ترا حسن حسنِ لازم ترا نور نورِ قائم
وہ چمن کہاں ہے جس میں ترا رنگ و بو نہیں ہے
تری خلوتوں میں جلوت تری جلوہ تو میں خلوت
ترا راز داں ہے وہ جو ترا راز جو نہیں ہے
یہ نظامِ کائناتی یہ زمیں فلک فرشتے
تری حکتوں کے مظہر کوئی زشت خو نہیں ہے
تری شفقت و عنایت تری رحمت و ہدایت
سبھی بحرِ بے کراں ہیں کوئی آب جو نہیں ہے
مرے رب تجھے پکاروں نہ پکاروں فرق کیا ہے
تو مرے قریب اتنا کہ رگِ گلو نہیں ہے
ترا مانیؔ تیرا بندہ کو پارسا نہ زاہد
یہ ترا کرم ہے مالک وہ بے آبرو نہیں ہے
مأخذ :
- کتاب : Sadat-e-Jajneri, Part 2 (Pg. 9)
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
