انبیا دھوم مچاتے ہیں کہ وہ آتے ہیں

انبیا دھوم مچاتے ہیں کہ وہ آتے ہیں

قدسیاں مژدہ سناتے ہیں کہ وہ آتے ہیں

آمد آمد کی خبر سن کے حسینانِ فلک

کیسا جنت کو سجاتے ہیں کہ وہ آتے ہیں

کہیں حوروں کے پر رے اور کہیں غلماں کے ہجوم

راہ میں پلکیں بچھاتے ہیں کہ وہ آتے ہیں

دیکھ کر شہ کی سواری کو ملائک باہم

یوں اشاروں سے بتاتے ہیں کہ وہ آتے ہیں

ہے جو زوّاروں کی کثرت تو فلک پر جبریل

بھیڑ رستے سے ہٹاتے ہیں کہ وہ آتے ہیں

آج مشتاقوں کا حضرت کے ہی مداحؔ یہ حال

گل سے پھولے نہ ستاتے ہیں کہ وہ آتے ہیں