زہے تقدیر ایوانِ محمد
زہے تقدیر ایوانِ محمد
کہ ہیں جبریل دربانِ محمد
ہے دشمن آپ کا دشمن خدا کا
پیامِ حق ہے قرآنِ محمد
فلک تو اپنی رفعت بھول جاتا
جو ملتا تجھ کو دامانِ محمد
جنہیں ہم چاند سورج جانتے ہیں
وہ ہیں اک مظہرِ شانِ محمد
فرشتوں کے بھی جھکتے ہیں جہاں سر
اسے کہتے ہیں ایوانِ محمد
بہاریں جس پہ ہوتی ہیں تصدق
وہی تو ہے گلستانِ محمد
جسےدھوکے سے سب کہتے ہیں خورشید
ہے عکسِ حسنِ تابانِ محمد
ولادت کی خوشی، اللہ اکبر
بنی دنیا، خیابانِ محمد
فرشتے جن کی عظمت سے مؤدب
کچھ ایسے ہیں غلامانِ محمد
شہیدِ ظلم دشتِ کربلا میں
ہوئے ہیں نوجوانانِ محمد
یہ میری نعت کا رتبہ ماہرؔ
بنا ہوں میں بھی حسانِ محمد
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
