ابو بکر صدیق جانِ صداقت

ابو بکر صدیق جانِ صداقت

وہ پُر نور صورت، وہ پاکیزہ سیرت

وہ خود ذات سے اپنی خیر و سعادت

اور اس پر رسولِ خدا کی رفاقت

وہ نیکی کی عادت وہ خلق و مروت

وہ سادہ طبیعت وہ سنجیدہ فطرت

جبیں اتنی روشن کہ قرآں کی آیت

برستی گھٹائیں کہ دستِ سخاوت

وہ قرآن پڑھتے ہوئے اشک باری

وہ راتوں کی تنہائیوں میں عبادت

مشیر ان کے فاروق و عثمان و حیدر

وہ بارِ امامت، وہ دورِ خلافت

وہ ایماں سراپا، یقینِ مجسم

نبی کی رسالت کی پہلی شہادت

خدا ان سے راضی، وہ راضی خدا سے

نبی نے بھی جنت کی دی تھی بشارت

سیاست مگر عینِ منشاء یزداں

دماغوں پہ قبضہ، دلوں پہ حکومت