اے سرا پردۂ تعظیم امم بابِ حریم

اے سرا پردۂ تعظیم امم بابِ حریم

مطلع نورِ قدم منبعِ انوارِ حطیم

اے کہ معمورۂ ہستی میں ترا رنگ قدیم

مصدر مشرق امید ہے سرکار کریم

ایک مل جائے غریباں ترا فیضان عمیم

چمنستان حوادثِ میں خراماں ہے نسیم

المدد نصرتِ غیبی ترا سالک ہے سقیم

کر چکا ہے ترے دربار کا ایک عزمِ صمیم

ترا ہر تار ترنم سے ہے بیت المعمور

کھل گیا ہے میری قسمت سے درِ ابراہیم

بھر لے دامانِ طلب اپنا فقیر ہندی

دیکھ اور دیکھ اٹھا اور اٹھا دستِ کریم

اے غلامِ عجمی اٹھ کے تری یاد ہوئی

سر کے بل چل سوئے کعبہ کہ کھلا دارِ نعیم

دیکھ! دیوانہ ترا جانب منزل نکلا

یک کفن پوش اٹھا اور سنبھالا ہے گلیم

سر زمین عرب اے مولد مہد سرور

نظم ہستی تری ہستی کا ہے یک باب عظیم

آج بھی عالم افلاک سے آتی ہے صدا

فخر آدم ہے تیری ذات مدینے کے مقیم

اپنی آنکھوں میں وہ انوارِ حرم جذب کرے

ایک ہندی کی تمنا ہے خداوندِ کریم

شور لبیک اٹھا وادی الفت کیا ہے

دیکھ انگشت بدنداں نظر آتے ہیں کلیم

دیکھ دیوانہ کوئی جانب منزل نکلا

یک کفن پوش اٹھا اور سنبھالا ہے گلیم

کیا مقدر ہے ترا سالکؔ افقر واللہ

تالیٔ سورۂ یٰسین و نور و حامیم