مزار مطلع انوار سعداللہ حسینی کا

مزار مطلع انوار سعداللہ حسینی کا

تجلی بار ہے کہسار سعداللہ حسینی کا

نقیب اؤلیا سردار سعداللہ حسینی کا

سعادت مند ہے زوار سعداللہ حسینی کا

بڑا رتبہ میرے سرکار سعداللہ حسینی کا

بڑا پُرکیف ہے دربار سعداللہ حسینی کا

زہے فیضان ہے خمار سعداللہ حسینی کا

معارف ریز ہے میخوار سعداللہ حسینی کا

ہے اقرار رسل اقرار سعداللہ حسینی کا

نقیضِ علم ہے انکار سعداللہ حسینی کا

خموشیٔ بیاباں دعوت تسبیح سبحاں ہے

گل تر بن گیا ہر خار سعداللہ حسینی کا

کہف کی داستاں عجوبۂ گیتی سہی لیکن

زہے اعجاز زہے اسرار سعداللہ حسینی کا

عروج طور اور وادئی سینا یاد آ جائے

جو دیکھے جلوۂ کہسار سعداللہ حسینی کا

نماز عاشقاں واللہ معراج مسلمانی

فضیلت بار ہے کردار سعداللہ حسینی کا

خدا دیتا ہے اور تقسیم ہوتی ہے نبوت سے

زہے دست ولایت بار سعداللہ حسینی کا

ولی سے بے رخی اللہ سے لڑنا برابر ہے

مخالف ہو گیا ہے خوار سعداللہ حسینی کا

خدا دانی خدا فہمی عوامی شان ہے سالکؔ

خدا بینی بڑا کردار سعداللہ حسینی کا