مسند عزت اؤلیا جہاں، حضرت غوث کا آستاں دوستو

مسند عزت اؤلیا جہاں، حضرت غوث کا آستاں دوستو

ہے من اللہ مع اللہ الی اللہ کا، مست و بے خود ہے یہ کارواں دوستو

عشق غوث الوریٰ عشق خیرالوریٰ، عشق قرآن کا عشق عرفان کا

یہ نہ ہو تو کوئی بات ملتی نہیں، بس یہی راز ہے رازداں دوستو

باب رحمت شفاعت کا کھڑ کا دیا، معصیت دھل گئی مغفرت ہوگئی

ایک اپنی عقیدت کا آنسو مگر بن گیا زینت گلستاں دوستو

نائب انبیا نائب مصطفیٰ، جانشین علی حیدر و مجتبیٰ

بزم خاتون جنت کے شمع ہدیٰ، شاہ بغداد ہیں بے گماں دوستو

ذکر جاتا رہا فکر کا سامنا، خانقاہوں میں کیو مردنی چھا گئی

نخلِ امید عرفاں حق عارفا، کس طرح سے ہو پھر گلفشاں دوستو

شاہِ بغداد کا ہے پیام عمل، جلد توبہ کرو جلد بیعت کرو

آؤ پھر سے نمازوں کو قائم کرو اور قرآن پڑھو نوجواں دوستو

جامِ عرفاں نہیں، دور قرآں نہیں، عشق سوزاں نہیں، دل مسلماں نہیں

ہم کو اسلاف سے اپنی نسبت ہے کیا، ہو رہا ہے یہی امتحاں دوستو

ایسا ایماں کہاں، ایسا عرفاں کہاں، شانِ غوث الوریٰ کا ہے اونچا نشاں

سالکؔ بے عمل ایسا شاعر نہیں اور نہیں کوئی معجز بیاں دوستو