شہ پہ جو ہے نثار کیا جانے
شہ پہ جو ہے نثار کیا جانے
اس کو کتنا ہے پیار کیا جانے
جو نہ دیکھے بہار طیبہ کی
خلد کی وہ بہار کیا جانے
آپ کو آپ کی حقیقت کو
کوئی ہو رازدار کیا جانے
کس قدر تھی رسول اکرم سے
الفت یار غار کیا جانے
صرف سرکار کے سوا کوئی
جلوۂ کردگار کیا جانے
ہجر احمد میں اس قدر اپنا
دل ہے کیوں زار زار کیا جانے
شب اسریٰ ہوئے جو آپس میں
کوئی قول و قرار کیا جانے
جس کو قربت نہیں محمد سے
قرب پروردگار کیا جانے
جس نے سمجھا نہ لی مع اللہ کو
ان کے لیل و نہار کیا جانے
ناشناس غم نبی محمودؔ
نعمت بے شمار کیا جانے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
