کیوں نہ ہو اس دل پہ آقا حکمرانی آپ کی

کیوں نہ ہو اس دل پہ آقا حکمرانی آپ کی

ہم نے اپنے رب کو جانا ہے زبانی آپ کی

خود عمل کرکے دکھایا حکم جس کا بھی دیا

گویا ہے تفسیرِ قرآں زندگانی آپ کی

اس سے بڑھ کر اور کیا ہوگا کہ خود اللہ نے

جا بجا قرآن میں کی نعت خوانی آب کی

آپ کو حاصل ہوا قربِ الٰہی بے مثال

خود خدا نے عرش پہ کی میزبانی آپ کی

تذکرہ ہر عہد میں ہم آپ کا سنتے رہے

ہر نبی دیتا رہا ہم کو نشانی آپ کی

یہ اذان پنج گانہ اور یہ حمد و ثنا

رنگ لائی ہے جہاں میں جاں فشانی آپ کی

ہم تو نا واقف تھے عالمؔ مالک و معبود سے

آپ نے کلمہ پڑھایا مہربانی آپ کی