خورشید حسن وحدت کثرت میں جلوہ گر ہے

خورشید حسن وحدت کثرت میں جلوہ گر ہے

روشن اسی کی ضو سے ہر مطلع سحر ہے

ظاہر ہے کس کا رتبہ اعلیٰ مقام پر ہے

محبوب حق ہے کوئی کوئی پیام برہے

عکس جمال کس کا پردہ سے جلوہ گر ہے

کس کی ضیا سے روشن آئینہ سحر ہے

روضے کی جالیوں میں آنکھیں لگی ہوئی ہیں

اس ناظر جہاں کی ہر ایک پر نظر ہے

توفیق کی بنا پر انجام ہے سعی کا

حسن طلب کی منزل میں شوق راہبر ہے

آنکھوں کی شان دیکھی نالوں کی تاب دیکھی

پھر بھی مجیدؔ صرفِ جاں کاہیٔ جگر ہے