رہے_گا حشر تک قائم جہاں میں نام وارث کا

رہے گا حشر تک قائم جہاں میں نام وارث کا

ہر اک مومن کو پہنچے گا سدا پیغام وارث کا

ہر اک کے دل میں پیدا ہو محبت رب عالم

یہی ہے درس وارث کا یہی پیغام وارث کا

غلام مصطفیٰؐ ہوں اور گدائے پنجتن ہوں میں

ہے یہ انعام وارث کا ہے یہ اکرام وارث کا

مئے عشق خدا بٹتی ہے مے خانہ میں وارث کے

عطا ہو مجھ کو بھی ساقی ذرا اک جام وارث کا

نہیں شارقؔ کوئی بھی خوف کوئی غم مجھے روز قیامت کا

کہ اب میں ہو گیا ہوں بندۂ بے دام وارث کا