خلد مہکی گنبد_بے_در میں دروازہ ہوا

خلد مہکی گنبد بے در میں دروازہ ہوا

اہتمام سیر محبوبی شب اسریٰ ہوا

ہائے وہ لمحے کہ جب معراج سرور کو ہوئی

بخشش امت کا ساماں بھی دریں اثنا ہوا

زلف ان کی شانۂ حسرت پہ یوں بکھری کہ بس

آج تک ماحول میرے گھر کا ہے مہکا ہوا

تھی شرابور محبت کل فضائے کائنات

جس کو دیکھو تھا سرور و کیف میں ڈوبا ہوا

بوند بوند اس کے بدن سے جھڑتے جاتے تھے گلاب

جا رہا تھا وہ گل تر پھول برساتا ہوا

خود چلے تو لڑکھڑا جائے فریدیؔ کا قلم

ہے قلمرو میں کسی کی یہ قلم چلتا ہوا