روح_چمن ہو جان_گلستاں تمہی تو ہو

روح چمن ہو جان گلستاں تمہی تو ہو

وجہ بہار بہر بہاراں تمہی تو ہو

محبوب رب ہو فخر رسولاں تمہی تو ہو

سیاح لا مکاں ہے جو انساں تمہی تو ہو

آغوش میں تمہاری پلے ہیں حسن حسین

اس نوعیت سے خلد بداماں تمہی تو ہو

ہر ٹیس دل کی عرض کناں تم سے کیوں نہ ہو

راحت رسان قلب پریشاں تمہی تو ہو

صحرا نورد ہجر تمہارا ہی شوق ہے

مشک وصال قلب غزالاں تمہی تو ہو

ہیں مجرموں کو کون نباہے بروز حشر

ہم کو لئے ہوئے تہ داماں تمہی تو ہو

بے شک فریدیؔ سارے کے سارے نبی ہوئے

فرد فرید بزم فریداں تمہی تو ہو