میں مکہ دیکھ آئی ہوں، مدینہ دیکھ آئی ہوں

میں مکہ دیکھ آئی ہوں، مدینہ دیکھ آئی ہوں

بلندی دین کی زینہ بہ زینہ دیکھ آئی ہوں

میں دولت مند ہو آئی خزینہ دیکھ آئی ہوں

عرب کے ریگزاروں میں، دفینہ دیکھ آئی ہوں

سلیقہ سیکھ آئی ہوں عبودیت کا مکے سے

مدینے میں محبت کا قرینہ دیکھ آئی ہوں

مجھے خطرہ نہیں بحرِ فنا میں ڈوب جانے کا

جو ساحل پر لگا دے وہ سفینہ دیکھ آئی ہوں

جو اس گھر کی ہے زینت وہ کسی گھر کی نہیں زینت

خدا کا گھر ہے دھرتی کا نگینہ دیکھ آئی ہوں

اسی مستی میں رہ کر عمر ساری اب گزاروں گی

تیری بستی میں رہ کر اک مہینہ دیکھ آئی ہوں

نہ کیوں میں محترم ٹھہروں کہ میرا نام ہے مریمؔ

مجھے دیکھو ادب سے سب مدینہ دیکھ آئی ہوں