جس کو دیکھو ہے خریدار رسولِ عربی

جس کو دیکھو ہے خریدار رسولِ عربی

مصر سے بڑھ کے ہے بازار رسول عربی

جب خدا خود ہے خریدارِ رسول عربی

کیوں نہ ہو گرمئی بازارِ رسولِ عربی

طور پر دیکھ کے غش جس کو ہوئے تھے موسیٰ

تھا وہ اک پر توِ رخسار رسول عربی

شب معراج کھلا رازِ خدا عالم پر

خود ہوا طالب دیدارِ رسول عربی

نظر آتا نہیں کونین میں منکر کوئی

دونوں عالم کو ہے اقرارِ رسول عربی

خواہش نفس نے پائی نہ ذرا دل میں جگہ

مرحبا جو شش ایثار رسول عربی

فہم و ادراک سے باہر ہیں رموزِ قدرت

ہے خدا کاشفِ اسرارِ رسول عربی

انبیا اور بھی گذرے ہیں جہاں میں لیکن

سب سے بر تر ہوئے سرکار رسول عربی

پھول اللہ کی رحمت کے کھلے ہیں ہر سمت

سبز و شاداب ہے گلزارِ رسول عربی

بخش دے امتِ عاصی کو مرے اے غفار

حشر میں ہوگا یہ اصرار رسول عربی

رعب ایسا تھا کہ کفار کے دل دہلتے تھے

دیکھ کر شوکتِ دربارِ رسول عربی

نہیں مسعودؔ کو دنیا کی تمنا یا رب!

کر عطا دولتِ دیدارِ رسول عربی