ہر اک ذرہ چمک اٹھا ہے مہتابِ ضیا بن کر

ہر اک ذرہ چمک اٹھا ہے مہتابِ ضیا بن کر

فضا کو جگمگایا آپ نے شمس الضحیٰ بن کر

نبی ہیں اور جتنے اختر برجِ رسالت ہیں

مرے سرکار آئے ہیں مگر شمس الضحیٰ بن کر

خدا شاہد بڑی مشکل میں تھے اللہ کے بندے

کہ وہ تشریف لائے دفعتاً مشکل کشا بن کر

خلیل اللہ ہے کوئی کلیم اللہ ہے کوئی

مگر آقا مرے آئے ہیں محبوبِ خدا بن کر

مجھی پر منحصر کیا ہے شہنشاہِ زمانہ بھی

انہیں کے آستاں پر آرہے ہیں بے نوا بن کر

سمجھ کوماورا ہستی کو احسنؔ کوئی کیا سمجھے

کہ دنیا میں مرے سر کار آئے جانے کیا بن کر