سب سے پہلے مشیت کے انوار سے

سب سے پہلے مشیت کے انوار سے

نقش روئے محمد بنایا گیا

پھر اسی نقش سے مانگ کر روشنی

بزمِ کون و مکاں کو سجایا گیا

وہ محمد بھی، احمد بھی، حامد بھی، محمود بھی

حسن مطلق کا شاہد بھی مشہود بھی

علم و حکمت میں وہ غیر محدود بھی

ظاہراً امیوں میں اٹھایا گیا

اس کی شفقت ہے بے حد و بے انتہا

اس کی رحمت تخیل سے بھی ماوارا

جو بھی عالم جہاں میں بنایا گیا

ان کی رحمت سے اس کو سجایا گیا

مجھے حشر کا کس لئے ڈر ہو قاسمؔ

میرا آقا ہے وہ، میرا مولیٰ ہے وہ

جس کے دامن میں جنت بسائی گئی

جس کے ہاتھوں سے کوثر لٹایا گیا