جو تو ہی ہم کو نہ پوچھے تو کون پوچھے گا

جو تو ہی ہم کو نہ پوچھے تو کون پوچھے گا

بنے گا کون ہمارا ترے سوا غم خوار

امیدیں لاکھوں ہیں لیکن بڑی امید ہے یہ

کہ ہو سگانِ مدینہ میں کاش میرا شمار

اڑا کے باد مری مشتِ خاک کو پسِ مرگ

کرے حضور کے روضہ کے آس پاس نثار

ولے یہ رتبہ کہاں مشتِ خاکِ قاسم کا

کہ جائے کوچۂ اطہر میں تیرے بن کے غبار

دل شکستہ ضروری ہے جوشِ رحمت کو

گرے ہے باز کہیں! جب تلک نہ دیکھے شکار

الٰہی! اس پر اور اس کی تمام آل پہ بھیج

وہ رحمتیں کہ عد کر سکے نہ ان کو شمار