ہے دیدہ و دل میں سرو سودائے مدینہ

ہے دیدہ و دل میں سرو سودائے مدینہ

بستی کبھی دیکھوں کبھی صحرائے مدینہ

سینہ مرا میخانہ حب مدنی ہے

جام آنکھیں ہیں دل ہے مرا مینائے مدینہ

بندہ پہ در عین عنایت یہ کھلا ہے

جب بند کروں آنکھ نظر آئے مدینہ

عاشق کہیں معشوق کا گھر دیکھ نہ پائے

ویس قرانی آئے تو چھپ جائے مدینہ

جیتے پھرے اس جا سے وہیں مر نہ گیے کیوں

کس زیست پہ زائر ترا چھوڑ آئے مدینہ

سب کچھ ہے عنایات میں تیرے مرے آقا

بندہ پہ عنایت رہے مولائے مدینہ

ہیں تازہ مضامین مذاقؔ اپنی غزل میں

بہتر ہیں سبھی یوں تو غزل ہائے مدینہ