دل لگڑا بے پرواہاں نال

دل بے پرواہ کے سنگ لگا

کوئی نہ وہاں دم مارسکا

وہ ذات کہ جس کے حق میں سدا کہتا ہے خدا خود صل علیٰ

روتی آنکھوں کو سمجھایا بھی

جو لکھا پڑھا تھا بھلایا بھی

رگ رگ نس نس نے گایا بھی

ہر سانس میں نام اس ساجن کا

دل بے پرواہ کے سنگ لگا

کب دل نے مجھے تڑپایا نہیں

اک پَل سکھ میں نے پایا نہیں

صدیاں گزریں وہ آیا نہیں

حق جس پر بھیجے سلام سدا

دل بے پرواہ کے سنگ لگا

دل مجھ سے کیوں پلٹا تیرا

کیوں مجھ کو تونے بھلا ڈالا

رستہ ہے عرب کا تپتا ہوا

مجھ سوختہ بخت کو چلنا پڑا

دل بے پرواہ کے سنگ لگا

جاں اس کےہاتھ پہ میں نے دھری

کرکر کے منت ہار گئی

توبہ بھی ہزاروں بار ہی کی

شاید من جائے وہ روٹھا ہوا

دل بے پرواہ کے سنگ لگا

اللہ وہ پیاری جہات ان کی

اک رات جو راہِ عرب میں ہوئی

وہ حمرا محبت کی وادی

پر وصل کا وہ دن خواب ہوا

دل بے پرواہ کےسنگ لگا

دن گزرے خاک بہ سر ہوتے

یا ڈھانپ کےمنہ روتے روتے

اشکوں سے رخ دھوتے دھوتے

شب درد اور دکھ میں کٹے سدا

دل بے پرواہ کےسنگ لگا

جل بھن کے مثل کباب ہوئے

بن پئے شراب خراب ہوئے

سرشار ہوئے بے تاب ہوئے

ہے سرخ اور مست آنکھوں کی عطا

دل بے پرواہ کے سنگ لگا

ہوئے غم میں کبھی غلطاں بھی بہت

مستِ یادِ جاناں بھی بہت

حیراں بھی بہت پریشاں بھی بہت

زلفوں کے پیچ و خم نے کیا

دل بے پرواہ کے سنگ لگا

آدم تا عیسیٰ سارے نبی

جب کہیں گے بس نفسی نفسی

اک امتی امتی والے بھی

ہوں گے وہاں احمد صلِّ علیٰ

دل بے پرواہ کے سنگ لگا

یا رب یا الٰہی یا صمدی

ہو صلوٰۃ و سلام بہ روئے نبی

شامل رہیں فاطمہ اور علی

پیارے حسنین بھی اس میں سدا

دل بے پرواہ کے سنگ لگا

تو مہرؔ علی ہے کون بھلا

لاشے و مجّم جرم و خطا

سرپر عیبوں کا بوجھ دھرا

شاہوں سے پریت لگانے چلا

دل بے پرواہ کے سنگ لگا

دل چھوڑیئے مت جب پریت لگے

جومن کی ہے وہ من میں رکھئے

گھر رویئے پر باہر ہنسیئے

اور ملئے چاہ کے ساتھ سدا

دل بے پرواہ کے سنگ لگا

کیوں مہر علی یوں اداس پھرے

وہ آج ملے یا کل آئے

پھر خوشیاں ہوں غم کے بدلے

اور میل ہو اس سے پیار بھرا

دل بے پرواہ کے سنگ لگا

کوئی نہ وہاں دم مار سکا وہ ذات کہ جس کے حق میں سدا

کہتا ہے خدا خود صلِّ علیٰ