محبت کا سونا ہے گھر شاہ قاتل
دلچسپ معلومات
نوٹ: یہ مشاعرہ حضرت قاتلؔ اجمیری کے عرس کی مناسبت سے عیدگاہ میدان، بندر روڈ، کراچی میں منعقد ہوا تھا، اس مشاعرے کی صدارت بہزادؔ لکھنوی نے فرمائی تھی، جبکہ مصرعِ طرح ’’تمہیں ڈھونڈتی ہے نظر شاہِ قاتل‘‘ مقرر کیا گیا تھا۔
محبت کا سونا ہے گھر شاہ قاتل
ہیں بے نور سے بام و در شاہ قاتل
وہ محفل نہیں ہے وہ جلوے نہیں ہیں
ترستی ہے سب کی نظر شاہ قاتل
تمہارا کرم اور تمہاری محبت
ہے تسکینِ قلب و جگر شاہ قاتل
کسے ہائے اب زخم دل کے دکھائیں
کہاں آپ سا چارہ گر شاہ قاتل
وہاں کچھ نہیں ہے جہاں تم نہیں ہو
پلٹ آئی جا کر نظر شاہ قاتل
بھلا لطف کیا دیں جہاں کے نظارے
تمہیں جب نہیں جلوہ گر شاہ قاتل
جبیںؔ کی نظر پئے بہ پئے ڈھونڈتی ہے
تمہیں کیسے پائے مگر شاہ قاتل
- کتاب : Gulha-e-Aqidat (Pg. 42)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
