جلوۂ احمدمیں نور لامکانی اور ہے

جلوۂ احمدمیں نور لامکانی اور ہے

اس نبوت کانشانِ بے نشانی اور ہے

دیکھ کر معراج میں حضرت سے حوروں نے کہا

میہماں یہ اورہے یہ میزبانی اور ہے

سرمۂ مازا غ کہتا تھا نبی کی آنکھ میں

اے نگاہِ شوق میرا یار جانی اور ہے

منہ سے حضرت کے سنا ہم نے کلام اللہ کو

صورتِ وصلت یہ پیغام زبانی اور ہے

یہ حبیب اللہ ہیں موسیٰ کلیم اللہ تھے

اذن منی اور ہے یہ لن ترانی اور ہے

رحمتِ حق پر بھروسہ ہے شفاعت پر گھمنڈ

حشر میں ہم عاصیوں کی شادمانی اور ہے

آن بان احمد کی محشر میں کہوں گا دیکھ کر

سب نبیوں میں رسول اللہ ؐ کی بانی اور ہے

سننے والوں کے نہ کیوں بیتاب اے شایقؔ ہوں دل

فرقتِ سرکار عالم کی کہانی اور ہے