اے پیر مرے غوث الاعظم محبوبِ خدا معشوقِ خدا
اے پیر مرے غوث الاعظم محبوبِ خدا معشوقِ خدا
دے راز خدائی کے محرم محبوب خدا معشوقِ خدا
تو شاہ مرا میں تیرا گدا میں خادم ہوں تو ہے آقا
مجھ کو ہے یہی بس جاہ و حشم محبوبِ خدا معشوقِ خدا
ہر دم ہو خیال رخِ روشن اے قبلۂ من اے کعبۂ من
یہ خانۂ دل ہو شکل حرم محبوب خدا معشوق خدا
تم نور نبی، وہ نور خدا کیا لطف نرالا ہے آہا
اس شکل حدوثی میں ہے قدم محبوب خدا معشوق خدا
ہوں تشنہ شرابِ وحدت کا سیراب تو کر جلدی مولا
اے چرخ ولایت ابرِ کرم محبوب خدا معشوق خدا
یوں ہجر میں گذرے عمر مری ہو دھیان ترا یا یاد تری
دن کو مونس شب کو ہمدم محبوبِ خدا معشوقِ خدا
ہوں بند جو آنکھیں وصل ہے ہاں کھل جائیں تو فرقت کا ہے سماں
اک مجھ میں غم و شادی ہیں بہم محبوب خدا معشوقِ خدا
شایقؔ کی یہی ہے تجھ سے دعا اس دم ہے جبیں ساقی کا مزا
سر میرا ہو تیرے پاک قدم محبوب خدا معشوقِ خدا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
